Search This Blog
Assamese medium.
WELCOME TO ASSAMESEMEDIUM.IN . HERE YOU CAN GET ALL KINDS OF NOTES BOOKS SOLUTIONS ,QUESTIONS PAPES INCLUDING HSLC,HIGHER SECONDARY (HS) OF ARTS SCIENCE AND COMMERCE STREAM ,GRAMMAR ,GENERAL KNOWLEDGE,BOOKS PDF ,POEMS STORIES ETC… ALL THE NOTES YOU CAN GET BOTH IN ASSAMESE AND ENGLISH MEDIUM. YOU CAN ALSO GET TO STUDY ENGLISH GRAMMAR ,ASSAMESE GRAMMAR ,ASSAMESE ESSAY ,ENGLISH ESSAY,ASSAMESE LITERATURE -ASSAMESE POEMS ASSAMESE STORIES ETC. KNOWLEDGE,BOOKS PDF ,POEMS STORIES ETC…
Assamese Essay On Favorite Book (প্রিয় গ্রন্থ) || Assamese Medium
Assamese essay on favorite book (প্রিয় গ্রন্থ) || assamese medium, favorite book ( প্রিয় গ্রন্থ) essay in assamese, অসমীয়া ৰচনা প্রিয় গ্রন্থ, প্রিয় গ্রন্থ, ভূমিকা :.
পুথি অধ্যয়নে মানুহৰ মনৰ দিগন্ত প্ৰসাৰিত কৰে। কিতাপ পঢ়াটো পৃথিৱীৰ বহু ভাল কামৰ অন্যতম। খাদ্য , বস্ত্র , বাসস্থানৰ চাহিদা পূৰ হোৱাৰ পাছতে মানুহে অনুভৱ কৰা চাহিদাটোৱেই হ ’ ল পুথি অধ্যয়ন। কাৰণ পঢ়ালিখা কৰাৰে পৰা মানুহ উন্নতিৰ পথত দিনক দিনে আগবাঢ়ি গৈছে। পুথি অধ্যয়নৰ পৰাহে মানুহৰ মগজুৰ বিকাশ সম্ভৱ। পাঠ্যপুথিৰ বাহিৰেও সেয়ে ময়ো মোৰ মানসিক চাহিদা পূৰাব পৰাকৈ কিতাপ পঢ়াৰ অভ্যাস গঢ়ি তুলিছো। মোৰ প্ৰিয় গ্রন্থ হ ’ ল ‘ জীৱনৰ বাটত ’ ।
গ্ৰন্থখনৰ পৰিচয় আৰু কাহিনী ভাগ :
অসমীয়া সাহিত্যৰ কাণ্ডাৰী , পণ্ডিত বিৰিঞ্চি কুমাৰ বৰুৱাই বীণা বৰুৱাৰ নামত লিখি উলিয়ালে অনুপম উপন্যাস ‘ জীৱনৰ বাটত ' । সৰ্বকালৰ সকলো পাঠকে ভাল পাব পৰা এটা নিটোল কাহিনী আছে ইয়াত। গাঁৱৰ এজনী সহজ - সৰল ছোৱালী তগৰ এজন শিক্ষিত ডেকা কমলাকান্তৰ প্ৰেমত পৰিল। বন্ধু কৃষ্ণ দত্তৰ ভনীয়েকৰ বিয়া খাবলৈ আহি ৰাংঢালী , ৰূপহী , কোমলমতীয়া তগৰ ফুলৰ দৰে তগৰক দেখি কমলাকান্ত ভোল গ ’ ল। বিয়াঘৰৰ উদুলি - মুদুলিৰ মাজত লাহে লাহে দুয়োৰে প্রেমে পোখা মেলিবলৈ আৰম্ভ কৰিছিল। কিন্তু ভাগ্যৰ খেলা কোনে জানে , সফলতাৰ দিশত আগুৱাই যোৱা মেধাৱী কমলাকান্তৰ বাবে এটা সময়ত তগৰ এলাগী হৈ পৰিল। ক্ষন্তেক সময়ৰ মিলনতে অতি আবেগৰ বশৱৰ্তী হৈ গোপনে আঙঠি পিন্ধাই থৈ অহা গাঁৱৰ ছোৱালীজনী এদিন কমলাকান্তৰ বাবে পৰ হৈ গ ’ ল। ৰায়বাহাদুৰ মাণিক হাজৰিকাৰ যশ , গৌৰৱ , প্রতিপত্তিৰ চকমকনিত কেৰাণীৰ ল ’ ৰা কমলাকান্তই পাহৰি গ ’ ল তগৰৰ কথা। সময় বাগৰাৰ লগে লগে মাতৃহীনা তগৰকো পিতৃয়ে বিয়া দিলে ক্ষন্তেকৰ বাবে তগৰৰ মন পিছলা ধৰণী মাষ্টৰলৈ ।
এই ঘটনাৰ পৰাই সলনি হৈ গ ’ ল সকলো। ঘাত - প্রতিঘাত , কষ্টৰে পাৰ হ ’ ল তগৰৰ সময়। ফুলৰ দৰে কোমল আৰু মৰমীয়াল তগৰৰ জীৱনলৈ অনেক পৰিৱৰ্তন আহিল। চঞ্চল , মিঠামুখীয়া সহনশীল তগৰক বয়সে টানি দিলে গহীন ওৰণি। তগৰ গুছি ধৰণী কলিতাৰ পৰিবাৰ তগৰ কলিতানী হ ’ ল , কমলিনীৰ মাক হ ’ ল। মূৰ পাতি ল ’ লে সাংসাৰিক দৈন্য , দুখ , অভাৱ , ৰুগীয়া স্বামীক। এদিন স্বামীহাৰা হৈ অন্ধকাৰ দেখিলে তগৰে। তথাপি বিচলিত নহৈ নিজৰ কৰ্তব্য সুকলমে কৰি গ ’ ল। কিন্তু জীৱন আৰু বিধিৰ বিধান কোনে জানে , প্রথমবাৰ লগ হওঁতেই যেনেকৈ এদিন কমলাকান্তৰ হাতত তামোল - পাণৰ খুন্দাত তেজ ওলাইছিল , জীৱনৰ বিয়লি পৰতো সেই ঘটনাৰে যেন পুনৰাবৃত্তি ঘটিল। বৰ্তমানৰ ৰায়বাহাদুৰৰ জোৱায়েক , ভৰা সংসাৰৰ গৰাকী কমলাকান্তৰ হাতত পৰিলহি যৌৱনৰ দিনতে তগৰক গোপনে পিন্ধোৱা আঙঠিটো। চমুকৈ এয়াই হ ' ল জীৱনৰ বাটত নামৰ অনুপম উপন্যাসখনৰ কাহিনীভাগ ।
ভাল লগাৰ কাৰণ :
অতি সৰল আৰু নিভাঁজ অসমীয়া শব্দৰ ব্যৱহাৰ উপন্যাসখনৰ অন্যতম সম্পদ। অসমীয়া গাঁৱৰ সমাজখনক ইয়াত ইমান সুন্দৰকৈ ফুটাই তুলিছে যে যিকোনো পাঠকৰ বাবে ই উপভোগ্য হ ’ বই। উপন্যাস আৰম্ভ হৈছে এটি পদ্যৰে ,
‘ কাম চৰাইৰ ৰঙা ঠোট
তাতে দিলে দীঘল ফোঁট
পিতাদেউ পিতাদেউ
দূৰলৈ নিদিবি মোক ..'
– যি গোটেই উপন্যাসখনকে প্রতিনিধিত্ব কৰিছে। ডঃ বিৰিঞ্চি কুমাৰ বৰুৱাই এনেদৰে গোটেই পৰিবেশ বৰ্ণনা কৰিছে যে চকুৰ আগত স্পষ্ট হৈ পৰিছে কোনো এখন গাঁৱৰ পৰিৱেশ। অতিৰিক্ত এনে এটা শব্দ নাই যিটো অদৰকাৰী বুলি বাদ দিব পাৰি। কেৱল কলমৰ শব্দৰে শক্তিশালী বর্ণনা দিব পৰা বীণা বৰুৱাৰ অনবদ্য সৃষ্টি ‘ জীৱনৰ বাটত ' । এগৰাকী নাৰীৰ মনৰ গভীৰত বুৰ মাৰিব পৰা অনুভৱ শক্তি আছে লেখকৰ। উপন্যাসখনৰ চৰিত্ৰ , সংলাপ , পৰিৱেশ ৰচনা , আৰম্ভণী , সামৰণি , উত্থান - পতন সকলো সুনিপুণ ৰূপত প্ৰকাশ হৈছে। তগৰ , মৌজাদাৰ , মৌজাদাৰনী , কৃষ্ণ দত্ত , কমলাকান্ত , গাঁৱৰ মানুহবোৰ , তেওঁলোকৰ চাল - চলন সকলোৱে মোৰ মন স্পর্শ কৰি যায়। ‘ ভালপোৱাই মান - অপমানৰ বিচাৰ নকৰে , বিধি - অনুষ্ঠানলৈ বাট চাব নোখোজে ….’ এনে সংলাপে চুই যায় মন। ‘ বোৱাৰীয়েনো ধান নেবানো , পানী নানো বুলি কোন দিনা থিয় যুঁজ ধৰিছে ?’ তগৰৰ কষ্ট সহ্য কৰিব নোৱাৰি অনাহকত তগৰক ব্যতিব্যস্ত কৰা মাকক ধৰণীয়ে কোৱা কথাষাৰে তগৰৰ দুৰ্দশাৰ কথাকে সংলাপৰ ৰূপত বৰ্ণনা কৰিছে। গাঁৱত ভাল - বেয়া , সৰল - কুটিল সকলো ধৰণৰ মানুহ থাকে , যাক সুন্দৰ ৰূপত প্ৰকাশ হৈছে। আৰম্ভণীতে কমলাকান্তৰ হাতৰ বটাৰ খুন্দাত কপালৰ তেজ ওলাই যোৱাটোৱেই শেষত গৈ কমলাকান্তই তগৰক দিয়া মর্মান্তিক আঘাতৰ কথাকে বুজালে। কাহিনীৰ , চৰিত্ৰৰ উত্থান - পতনৰ সাবলীল বর্ণনাই মোক অভিভূত কৰি তোলে ।
সামৰণি :
অসমৰ লোক - সংস্কৃতিৰ ক্ষেত্ৰতো অসীম অৱদান দিয়া বৰুৱাৰ ‘ জীৱনৰ বাটত ’ উপন্যাস অসমীয়া সাহিত্যৰ ভঁৰালৰ আপুৰুগীয়া সম্পদ। উপন্যাসখনৰ প্ৰতিটো অধ্যায়তে অসমৰ সৰল জীৱনৰ উপস্থাপনাই ইয়াক কালোত্তীর্ণ উপন্যাসৰ শাৰীত থিয় কৰাইছে। সুখপাঠ্য উপন্যাসখন এবাৰ পঢ়াৰ পাছত পুনৰবাৰ পঢ়িবৰ বাবে মন যায়। উপন্যাসখনৰ পাতে পাতে পোৱা অনবদ্য সাহিত্যিক ৰসে আমাৰ দৰে সাধাৰণ পাঠককো যুগ যুগ ধৰি অকৰ্ষণ কৰি ৰাখিব , ৰাখিছে ।
Short Notes On Favorite Book
Favorite book assamese notes, post a comment, popular posts from this blog, অসমীয়া জতুৱা ঠাচ আৰু খণ্ডবাক্যৰে বাক্য ৰচনা কৰা |অসমীয়া ব্যাকৰণ | make sentence assamese proverbs.
ইংৰাজী ব্যাকৰণৰ "Preposition" কি আৰু "Preposition"ৰ বিভিন্ন প্ৰকাৰসমূহ অসমীয়াত
অসমীয়া ৰচনা জৱাহৰলাল নেহৰু আৰু তেওঁৰ কর্মজীৱন ||Jawaharlal Nehru|| Assamese medium
তোমাৰ প্ৰিয় গ্ৰন্থ ৰচনা | Your Favorite Book Essay in Assamese
ৰজনীকান্ত বৰদলৈ | Rajonikanta Bordoloi
Table of Contents
অসমীয়া সাহিত্যত ৰজনীকান্ত বৰদলৈ এটি প্রসিদ্ধ নাম। তেওঁক উপন্যাস সম্রাট বুলি কোৱা হয়। মানৰ দিনৰ আলমত তেওঁ ভালেকেইখন উপন্যাস ৰচনা কৰিছে। তাৰ ভিতৰত মনোমতী, ৰহদৈ লিগিৰী, দন্দুৱা-দ্রোহ, নির্মল-ভকত, ৰংগিলী আদি উল্লেখযোগ্য।
ৰজনীকান্ত বৰদলৈৰ “মিৰি জীয়ৰী” নামেৰে এখন উপন্যাস আছে। এইখন সামাজিক উপন্যাস। চৰকাৰী চাকৰিত থাকোতে বৰদলৈয়ে মিৰি সমাজখনৰ বিষয়ে জনাৰ সুবিধা পাইছিল। তাৰ অভিজ্ঞতাৰে তেওঁ এইখন উপন্যাস লিখিছে। অসমীয়া সাহিত্যৰ আন দুই-চাৰিখন উপন্যাস, নাটক, জীৱনী, গল্প-গ্রন্থ মই পঢ়িছো। কিন্তু “মিৰি জীয়ৰী” পঢ়ি মই বৰ ভাল পালো। উপন্যাসখন এবাৰ নহয় দুবাৰ পঢ়িছো। সেই বাবে মোৰ প্ৰিয় গ্ৰন্থৰূপে “মিৰি জীয়ৰী”ৰ বিষয়ে লিখিবলৈ লৈছো।
Read Also: গ্রন্থমেলা ৰচনা | Book Fair Essay in Assamese
মিৰি জীয়ৰী
“মিৰি জীয়ৰী ”ত এহাল মিৰি (মিচিং) ডেকা-গাভৰুৰ জীৱনৰ কৰুণ কাহিনী বর্ণনা কৰা হৈছে। ডেকাজনৰ নাম জংকি আৰু গাভৰুজনীৰ নাম পানেই। সোৱণশিৰীৰ পাৰৰ মিৰি গাঁৱত সিহঁতৰ ঘৰ। সৰুতে টঙি ৰখি থাকোতেই দুয়োৰে মাজত চিনাকি হৈছিল। এনেকৈ দুয়ো শৈশৱত ৰং-ধেমালিৰ লগৰী হৈ পৰিছিল। কালক্ৰমত দুয়ো ডাঙৰ হ’ল, ল’বালিৰ লগৰী যৌৱনত ভালপোৱাৰ পাত্র-পাত্ৰী হৈ পৰিল । বিহুৱে-পৰৱে নাচি বাগি সিহঁত আপোন পাহৰা হ’ল। পানেইৰ দেউতাক তামেদে তাইক গামৰ পুতেক কুমুদলৈ দিবলৈ ঠিক কৰি থৈছিল। মাক নিমাই এবেলিলৈ জীয়েকৰ পক্ষ ল’ব খুজিলেও বাপেকৰ ওপৰত মাত মাতিব নোৱাৰিলে। মিৰি সমাজৰ প্ৰথা অনুযায়ী কুমুদ জোঁৱাই খাটিবলৈ অহাটো ঠিক হ’ল। ইপিনে জংকি আৰু পানেইৰ মনৰ কথা পৰস্পৰে জানি দুয়ো দুয়োকে চিৰদিনলৈ আপোন কৰি লোৱাৰ সংকল্প কৰিলে। টকা-পইচা যোগাৰ কৰিবলৈ জংকি ঘৃনাসুঁতি গাঁৱৰ মাহীয়েকৰ ঘৰলৈ গৈ তাতে থাকিবলৈ ললে।
কুমুদে জোঁৱাই খাটিবলৈ আহিও পানেইৰ মন জয় কৰাত বিফল হ’ল, পানেয়ে সুযোগ বুজি জংকিলৈ খবৰ পঠাই দুয়ো এদিন পলাই সোৱণশিৰীৰ পাৰৰ হাবিত লুকাই থাকিলগৈ। ঘৃনাসূঁতি গাঁৱৰ ডালিমী নামৰ আন এজনী গাভৰুৱেও জংকিক ভাল পাইছিল। পিছে জংকিৰপৰা পানেইৰ বিষয়ে জনাত সহৃদয়তাৰে দুয়োটাকে সহায় কৰিবলৈ ল’লে। জংকি-পানেই ধৰা পৰিল, কাছাৰীত বিচাৰ হ’ল, মাক-বাপেকে পানেইক লৈ আহিল। কিছুদিনৰ পাছত পানেই আকৌ পলাল। সেই খবৰ পাই জংকিয়ে পানেইৰ মাক-বাপেকক লগ ধৰি ক’লে যে এইবাৰ পানেই অকলেহে গৈছে, এনেকৈ তাই আত্মঘাতী হ’ব। মাক-বাপেকে এইবাৰ তাইক জংকিলৈকে বিয়া দিবলৈ সৈমান হ’ল। জংকিয়ে পানেইক বিচাৰি যাওঁতে গাছি মিৰিৰ হাতত বন্দী হয়। ইপিনে পানেইকো সিহঁতে বন্দী কৰি এদিন তালৈকে আনে ৷ বন্দী অৱস্থাতে জংকি-পানেইৰ দেখা-দেখি হ’ল। এনিশা দুয়ো পুনৰ পলাবৰ দিহা কৰোতেই পুনৰ ধৰা পৰিল।
বাৰেগামৰ মেলত দুয়োটাৰে বিচাৰ হ’ল। বাৰেগামে দুয়োটাকে মৃত্যুদণ্ড বিহিলে। শাল মাৰি দুয়োটা দেহবান্ধি গাছি মিৰিয়ে সিহঁতক উটুৱাই দিলে, নিষ্প্রাণ দেহ দুটা এটা সময়ত আহি সোৱণশিৰিৰ ঘাটত লাগিলহি। জংকি-পানেই ভালপোৱাৰ প্ৰতি পানেইৰ মাক-বাপেক সঁহাৰি নিদিলে । আনহাতে সমাজেও সিহঁতৰ প্ৰেমৰ স্বীকৃতি দিব নুখুজিলে। ফলস্বৰূপে কৰুণভাৱে তেওঁলোকে মৃত্যুক সাৱটি ল’ব লগাত পৰিল। ইয়াৰ বাবে জংকি আৰু পানেইৰ কোনো দোষ নাছিল৷ দোষ সমাজৰ, সামাজিক ব্যৱস্থাৰ।
Read Also: Class 10 History Solution
উপন্যাসখনৰ প্ৰধান চৰিত্ৰ জংকি আৰু পানেই। মিৰি সমাজৰ সাধাৰণ ডেকা-গাভৰু হোজা আৰু সৰল। পানেইৰ দেউতাক তামেদ সমাজৰ নিৰ্দেশত চলা মানুহ। মাক নিৰ্মা সৰল মাতৃ, কিন্তু পুৰুষৰ ওপৰত মাত মাতিব নোৱাৰে। কুমুদ ধনী গামৰ ল’ৰা, জোৰেৰে সকলো পাবলৈ বিচাৰে। ডালিমী চৰিত্ৰ ত্যাগৰ আদৰ্শৰে মহীয়ান। জংকিক ভালপোৱাৰ বাবেই তাই স্বাৰ্থ ত্যাগ কৰি জংকি-পানেইৰ মিলনৰ বাবে যথাসাধ্য সহায় কৰিছে। বাৰেগাম নিষ্ঠুৰ।
উপন্যাসখনৰ পটভূমিত আমি সোঁৱণশিৰীৰ পাৰৰ মিৰিগাঁৱৰ উপৰি ঘূনাসূঁতি গাঁৱৰ মিৰি সমাজখন পাওঁ। পৰ্বতীয়া গাছি মিৰিৰ কথাও আছে। লগতে নগৰৰ সামান্য পটভূমিৰূপে লক্ষীমপুৰ নগৰৰ কথাও আছে। “মিৰি-জীয়ৰী” কেৱল এহাল ডেকা-গাভৰুৰ প্ৰেম কাহিনীয়েই নহয়। মিৰি সমাজৰ সাংস্কৃতিক জীৱনধাৰাৰ পৰিচয় এইখন উপন্যাসত পোৱা যায়। তদুপৰি লেখকে জংকিপানেইৰ কাহিনীৰ যোগেদি মিৰি-সমাজ তথা অসমীয়া সমাজখনকে যেন সকীয়াই দিয়ে। তেওঁ মিৰি-সমাজত এনে দুর্ভাগ্যজনক ঘটনা আৰু নঘটিব বুলি আশা কৰিছে। কাহিনী, চৰিত্ৰ, পটভূমি, আঞ্চলিক বৈশিষ্ট্য আদিৰে সমৃদ্ধ “মিৰি জীয়ৰী” এখন সুখপাঠ্য সামাজিক উপন্যাস।
Hi, I’m Dev Kirtonia, Founder & CEO of Dev Library. A website that provides all SCERT, NCERT 3 to 12, and BA, B.com, B.Sc, and Computer Science with Post Graduate Notes & Suggestions, Novel, eBooks, Biography, Quotes, Study Materials, and more.
Related Posts
শাৰীৰিক আৰু মানসিক বাধাগ্ৰস্ততা নেওচি জীৱনৰ…
Read More »
Assamese Essay | অসমীয়া ৰচনা can…
বিহু ৰচনা | Bihu Essay Class…
অসমৰ কুটীৰ-শিল্প ৰচনা | Cottage Art…
বায়ু প্ৰদূষণ ৰচনা | Air Pollution…
শৰৎ কাল ৰচনা | Autumn Season…
Leave a Comment Cancel Reply
Your email address will not be published. Required fields are marked *
Assam Board Exam
তোমাৰ প্ৰিয় গ্রন্থ | মিৰিজীয়ৰী
তোমাৰ প্ৰিয় গ্রন্থ | Explore an insightful essay on ‘ Miri Jiyori ,’ Your Favourite Book that beautifully portrays the culture, traditions, and emotional journey of the Mising community. Discover why this Assamese classic resonates deeply with readers.
তোমাৰ প্ৰিয় গ্রন্থ
মই এজনী মজলীয়া অৱস্থাৰ গাৱলীয়া পৰিয়ালৰ ছাত্রী। আজৰি পৰত মই ঘৰুৱা কাম বনতো অলপ লাগি-ভাগি দিব লাগে। তথাপি তাৰ মাজতে ঢৌতে খৰ মাৰি দুই চাৰি খন বাহিৰা কিতাপ নপঢ়া নহয়। আমাৰ মা-দেউতা উচ্চ শিক্ষিত নহলেও শিক্ষাৰ প্ৰতি অনুৰাগী। আমাৰ ঘৰত ন পুৰণি দুয়োবিধ পুথিৰে অলপ অচৰপ চৰ্চা হয়। সৰুতে আইতাৰ মুখত বকাসুৰ বধ, কুলাচলৰ বধ, ৰামায়ণৰ কাহিনী, ‘মহাভাৰতৰ কাহিনী, নাটক, উপন্যাসক আদি শুনি কিমান যে আনন্দ পাইছিলো। এই কাহিনী, নাটক , উপন্যাস আদি শুনিয়েই নেকি মোৰ পুৰণি পুথিৰ প্রতি সৰুৰেপৰা ধাউতি উপজিছিল আৰু লিখা পঢ়া শিকিয়েই প্ৰথমে মই এখন পুৰণি পুথি পঢ়িবলৈ লওঁ। পুথি খন পঢ়ি ইমানেই ৰস পাওঁ যে ভাত পানী খোৱাৰ পর্যন্ত পাহৰি যাওঁ। ইয়াৰ পিছতো কেইবা বাৰো মই সেই পুথিখন পঢ়িছিলো। সিদিনা বছেৰিকা পৰীক্ষাৰ পাছতো আকৌ এবাৰ পুথিখন পঢ়ো। এতিয়া মোৰ দৃষ্টিভংগী সলনি হৈছে। তথাপি পুথিখনৰ আকৰ্ষণ কমা নাই। গল্প বস্তু আকষর্ণ কমিলেও সাহিত্যিক সৌন্দর্যই মোক এতিয়া বেছিকেহে আকর্ষিছে। মই যিমানবোৰ কিতাপ পুথি পঢ়িছো আটাইবোৰে মোৰ ভাল লাগে। আজি যিহেতু এখন ভালপোৱা পুথি নির্দিষ্ট কৰিব লগীয়া হোৱাত মোৰ মনলৈ সেই পুথিখনৰ কথা বাৰে বাৰে আহিছে। সেইখনিয়ে হ’ল ৰজনীকান্ত বৰদলৈ দেৱে লিখা ‘মিৰিজীয়ৰী “নামৰ এধানিমান পুথিখন।
গ্ৰন্থকাৰৰ চমু সাহিত্যিক পৰিচয় –
ঔপন্যাসিক সম্রাট ৰজনীকান্ত বৰদলৈদেৱে গল্প প্রৱন্ধ, উপন্যাস লিখে। ১৮৭৬ চনত বৰদলৈ গুৱাহাটীত জন্ম গ্ৰহণ কৰে। মিৰিজীয়ৰী খন হৈছে প্ৰথ্ম অসমীয়া সামাজিক উপন্যাস । মিৰিজীয়ৰীত বুৰঞ্জীত আচোৰ নাই। ইয়াত মিৰিসকলৰ মৰম লগা কাহিনী এটি বৰদলৈদেৱে অংকিত কৰিছে। ১৮৯৪ চনত বৰদলৈদেৱে লক্ষ্মীপুৰৰ পৰা বৰপেটালৈ নাৱৰে যাওতে নাৱৰ ভিতৰতে দুদিনৰ ভিতৰত মিৰিজীয়ৰী খন লিখি উলিয়াইছিল। এই উপন্যাস খনৰ লগত বৰদলৈদেৱৰ ব্যাক্তিগত স্মৃতি জড়িত হৈ আছে। সোৱনশিৰিৰ প্ৰাকৃতিক দৃশ্য আৰু ৰাজ্যত প্রকৃতিৰ প্ৰভাৱত সৰল জীৱণৰ মাজত লৰালিকালৰ সৰল মিলা-প্ৰীতিয়ে জংকী আৰু পানৈ পুষ্ট প্ৰেমত পৰিণত হোৱা এখনি হুবহু চিত্র বৰদলৈদেৱে দাঙি ধৰা হৈছে।
কিতাপ খনৰ কাহিনীভাগ বা গ্ৰন্থৰ বিষয়বস্তু –
জংকি আৰু পানৈ মিৰিজীয়ৰী উপন্যাস খনৰ নায়ক নায়িকা। মিৰিচাঙত সিহঁতৰ জন্ম হয়। সিঁহতৰ মাজত গঢ়ি উঠা শৈশৱৰ মিলাপ্রীতিয়েই যৌৱনত প্ৰেমলৈ ৰূপান্তৰিত হল।এদিন দুয়ো সোৱনশিৰি পাৰৰ প্ৰেমৰ দেৱতাক সাক্ষী কৰি দুয়ো জীৱনে মৰণে নেৰিবলৈ প্ৰতিজ্ঞা কৰিলে।
জংকি আছিল কেও কিছু নোহোৱা দুখীয়া লৰা । সেয়েহে পানৈই দেউতাকে তামেদে পানৈক জংকি লৈ দিবলৈ অমান্তি হল আৰু তাইক গামৰ পুতেক কুমুদলৈ বিয়া দিবলৈ ঠিক কৰিলে। মাক নিৰমাই এবেলিলৈ জীয়েকৰ পক্ষ ল’ব খুজিলেও বাপেকৰ ওপৰত মাত মাতিব নোৱাৰিলে। মিৰি সমাজৰ প্রথা অনুযায়ী কুমুদ জোঁৱাই খাটিবলৈ অহাটো ঠিক হ’ল। ইপিনে জংকি আৰু পানৈইৰ মনৰ কথা পৰস্পৰে জানি দুয়ো দুয়োকে চিৰদিনলৈ আপোন কৰি লোৱাৰ সংকল্প কৰিলে। টকা-পইচা যোগাৰ কৰিবলৈ জংকি ঘুনাসুতি গাঁৱৰ মাহীয়েকৰ ঘৰলৈ গৈ তাতে থাকিবলৈ ল’লে। কুমুদে জোঁৱাই খাটিবলৈ আহিও পানৈইৰ মন জয় কৰাত বিফল হ’ল, পানৈয়ে সুযোগ বুজি জংকিলৈ খবৰ পঠাই দুয়ো এদিন পলাই গৈ সোৱণশিৰিৰ পাৰৰ হাবিত লুকাই থাকিলগৈ। ঘূনাসুতি গাঁৱৰ ডালিমী নামৰ আন এজনী গাভৰুৱেও জংকিক ভাল পাইছিল। পিছে জংকিৰ পৰা পানৈইৰ বিষয়ে জনাত সহৃদয়তাৰে দুয়োটাকে সহায় কৰিবলৈ ললে।
সোৱণশিৰিৰ পাৰৰ হাবিত লুকাই থকা অৱস্থাত জংকি-পানৈই ধৰা পৰিল, কাছাৰীত বিচাৰ হ’ল, মাক-বাপেকে পানেইক লৈ আহিল। কিছুদিনৰ পাছত পানৈই আকৌ পলাল। সেই খবৰ পাই জংকিয়ে পানেইৰ মাক-বাপেকক লগ ধৰি ক’লে যে এইবাৰ পানেই অকলেহে গৈছে, এনেকৈ তাই আত্মঘাতী হ’ব। মাক-বাপেকে এইবাৰ তাইক জংকিলৈকে দিবলৈ সৈমান হ’ল। জংকিয়ে পানৈইক বিচাৰি যাওঁতে খাছি মিৰিৰ হাতত বন্দী হয়। ইপিনে পানৈইকো সিহঁতে বন্দী কৰি এদিন তালৈকে আনে। বন্দী অৱস্থাতে জংকি-পানেইৰ দেখা-দেখি হ’ল। এনিশা দুয়ো পুনৰ পলাবৰ দিহা কৰোঁতেই পুনৰ ধৰা পৰিল। বাৰেগামৰ মেলত দুয়োটাৰে বিচাৰ হ’ল। বাৰেগামে দুয়োটাকে মৃত্যুদণ্ড বিহিলে। শাল মাৰি দুয়োটা দেহবান্ধি খাছি মিৰিয়ে সিহঁতক সোৱণশিৰিত উটুৱাই দিলে।
জংকি আৰু পানৈ ভালপোৱা প্ৰতি পানৈ মাক বাপেক সহাঁৰি নিদিলে। সমাজেও সিঁহতৰ প্ৰেমক স্বীকৃতি দিব নুখুঁজিলে। ফলস্বৰূপে তেওঁলোকে কৰুণ মৃত্যুক সাৱটি লৱ লগাত পৰিল। ইয়াৰ বাবে জংকি আৰু পানৈ কোনো দোষ নাছিল। দোষ আছিল মাক দেউতাকৰ আৰু সমাজৰ।
আজিত সোৱণশিৰি নদী দেখিলে সেই কৰুণ কাহিনী মনত পৰে। আজিত সোৱণশিৰি পাৰত বহি মিৰি ডেকা গাভৰুৱে প্রেম কৰে। আজিও সোৱণশিৰি পাৰত বহিলে জংকি আৰু পানৈৰ কৰুণ কাহিনী মনত পৰে। কেনেকৈ পবিত্র প্রেমৰ তাড়নাত পৰি দুটি নিষ্পাপ জীৱণ অকালতে মৰহি গ’ল। সেয়েহে সোৱণশিৰি সেই পবিত্র প্ৰেমৰ নীৰৱ সাক্ষী হিচাপে আজিও বৈ আছে।
মিৰিজীয়ৰী উপন্যাসেই প্ৰথম অসমীয়া সমাজিক উপন্যাস। এনেকুৱা সর্বাঙ্গসুন্দৰ উপন্যাস অসমীয়া ভাষাত খুউব তাকব। মিৰি জীয়ৰীৰ দৰে উপন্যাসে পৰৱর্তী সমাজৰ ৰীতি – নীতি অন্ধবিশ্বাস আদিৰ পৰিবৰ্তন ঘটাবলৈ সক্ষম হ’ব পাৰে। একোটা জাতিৰ ইতিহাস তেওঁলোকৰ ধর্ম, সমাজ আইন- কানুনৰ বিষয়ে জানিব পাৰি এনেকুৱা উপন্যাসৰ জৰিয়তে বৰদলৈদেৱৰ জৰিয়তে এটা সৰু অথচ ভাব গধুৰ উপন্যাস খনে মিৰি সমাজৰ হুবহু চিত্র অংকিত কৰি দেখুৱাইছে। বর্তমান আমাৰ সমাজত চলা দুনীর্তি ব্যভিচাৰৰ পৰিসমাপ্তি ঘটাবলৈ এনেকুৱা সুস্থ-সবল উপন্যাসৰ সঁচাকৈয়ে প্ৰয়োজন।
তোমাৰ প্ৰিয় গ্রন্থ | Explore an insightful essay on ‘ Miri Jiyori ,’ My Favourite Book that beautifully portrays the culture, traditions, and emotional journey of the Mising community. Discover why this Assamese classic resonates deeply with readers.
For More details check our Youtube Channel Assam Board Exam
Find the list of Essays : Click Here
Hi, I'm Ritu Moni Gayan, Founder & CEO of Assam Board Exam, holding an MA, BEd, and having years of teaching experience. I’m passionate about providing top-quality resources like SCERT Assam notes, APSC materials, and Assam government exam guides to support students in their academic success.
Leave a Comment Cancel reply
IMAGES
VIDEO